食評

🤤薄餅喔 係葵興住左咁耐，食過好多次呢間，見呢排熱熱地唔想煮飯，今晚又有屋企人上黎所以就叫左外賣pizza 😋 -叫左個夏威夷薄餅，佢裡面好足料又多芝士喎！好吸引😋有火腿、菠蘿，鋪滿番茄醬汁食好滋味，芝士仲有拉絲感，我鐘意食呢種薄餅底好好食😋一個14”份量既pizza 夠兩三個人食👍🏼 -另外仲叫左肉醬意粉🍝好juicy 啖啖肉醬，份量亦都剛剛好呀😋意大利粉既硬度都適中！ -另外叫左份自家製雞翼，甜甜地得黎帶青檸檬既酸酸，食落好開胃呀！

🌕Hello我係Moon🌕 週末去邊度好呢， 😎當然就係由觀塘開始行各大商場之後再沿着觀塘海濱公園一直遊走，😝中途輕鬆吓食啲嘢補充然之後再繼續行到尾去到九龍灣MegaBox之類嘅商場放鬆下😍 喺呢一個天氣非常適合食飯同夏日主題相關嘅嘢食，😇就好似燒烤同埋Pizza呢一類嘅嘢食永遠都無分季節無分氣候，🤣夏天食更有狂野氣息， 😉當然喺牛頭角呢一邊嘅Pizza店就唔多但係勝在夠專業， 😝Little Mario’s 當然亦都係其中之一啦😋 T-Rex pizza , 🍕顧名思義就係食肉獸pizza，裏面除咗有那肉腸之外仲有雞肉，Parma Ham同煙肉粒🥓每一個配料都各有佢嘅特色，😌就好似雞肉用咗咖喱嘅香料令到成個味道非常突出，🍛接近串燒嗰一種嘅味道，😝至於辣肉腸就有一定嘅厚度，😚些微嘅辣就更加配合呢一個食肉獸嘅主題，😆另外當然唔少得風味偏偏嘅Parma Ham作為芬芳嘅加持。 😉即是每樣配料都完美融合一齊但最緊要嘅就係有一個煙韌嘅pizza base , 🍕少少脆但每一啖都係又鬆軟又煙韌🍕 Peach Margarita , 🍑呢一杯Mocktail 就用咗桃來做主題，😋本身桃已經帶有唔少嘅甜味所以就唔需要再加額外嘅糖分，🍸入口香醇， 😚桃味帶嚟芳香嘅味道完全沖淡左頭先享用左味蕾澎湃嘅濃厚味道，🍑作為一個舒適嘅週末，休閒嘅飲飲食食絕對係一大樂事🍸 🌕最後MoonMoon真係好滿意依度，pizza係我鍾意嘅餅底，而且用料十足，好食！🌕 Little Mario's Pizzeria 綠景NEO大廈 (觀塘) 觀塘海濱道123號綠景NEO地下1號舖

嚟到牛頭角呢一度永遠都會第一時間去海濱公園散吓步吸收下陽光，☀️而家天色咁好真係非常適合喺度瘋狂影相同埋望吓海景，絕對係賞心悅目嘅事，要喺公園附近到有啲餐廳符合呢一個休閒嘅主題。 🌞就似其中呢一間Little Mario’s Pizzeria , 🍕除咗係一間薄餅店同埋西餐之外梗係一個休閒嘅勝地。 裏面嘅格局同埋燈光都處於自然嘅格調， 🤩更多嘅就係出邊嘅自然光導入，咁就可以餐廳同室外更加親近。 即使係食完午餐去到公園再行一行差唔多到三點又可以嚟呢一度食個下午茶，當然嚟到呢一度當然就係要嗌佢嘅招牌pizza同埋一系列嘅意粉啦🍝 肉醬千層麵— 🍝呢一個作為西餐嘅經典絕對係受普羅大眾嘅愛好， 一層又一層嘅面皮中間夾住蕃茄肉醬再加埋牛肉碎，然之後喺面頭再灑上大量邪惡嘅芝士，🧀焗完之後無論係顏色定係香味都即刻湧入隻眼同埋個鼻， 超級熱辣辣嘅溫度之下就可以聽到啲芝士同埋肉醬嘅吱吱聲，😍趁熱仲可以喺面頭拉埋絲，未食都已經充滿期待。 😝當然肉醬就有一啲唔同，除咗蕃茄更加新鮮之外牛肉碎嘅味道都稍為濃郁啲，底部嘅肉將足以可以令到每一啖除咗有芝士撈麵之外更加重要就係包住紅噹噹嘅肉醬汁， 🍝少少酸味更突出食慾，但對於面頭咁邪惡嘅芝士🧀真係難以招架。 Mint Mojito— 食嘢當然亦都唔少得配返一杯Mocktail , 🍹預備嚟到春夏嘅季節當然要整返杯透心涼嘅嘢飲， 而呢一杯mint mojito 正正就係最適合喺熱辣辣嘅時日享用，🍹近似青靈梳打嘅味道但再加上薄荷葉， 🍃令到兩塊咁再提升減低左青檸嘅酸味， 用嚟消暑用嚟中和濃郁嘅食物味道都係必然之選🍃 Little Mario's Pizzeria 綠景NEO大廈 (觀塘) 觀塘海濱道123號綠景NEO地下1號舖

《觀 塘 海 濱 ᴘɪᴢᴢᴀ 》 落地大玻璃 英倫風設計🗽，播放經典音樂🎷 店員對答友善 令人想再重返🙆🏻‍♀️ Little Mario's Pizzeria 綠景NEO大廈 觀塘海濱道123號綠景NEO地下1號舖 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ -松露卡邦尼🍝 $118 松露醬汁勁ᴄʀᴇᴀᴍʏ 大量芝士碎🧀 份量足夠 -意大利辣肉腸簿餅🍕 $108 最愛薄批 極度推介 越食越火辣🌶 -ᴘᴇᴀᴄʜ ᴍᴀʀɢᴀʀɪᴛᴀ🍑 $78 酸酸甜甜 開胃解膩 無酒精飲品 時令水蜜桃 -ᴄʀᴀɴʙᴇʀʀʏ ʙᴇʟʟɪɴɪ🍓 $78 紅蔓越莓 非常特別 有少少似鮮榨橙汁 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩 #hongkong #yummy #foodie #hongkongfoodie #dinner #hkfoodie #香港美食 #delicious #tasty #food #followme #餐廳推介 #hkfoodklogger #hkfood #食好西#love #TagsForLikes #TagsForLikesApp#TFLers #tweegram #photooftheday#gladys觀塘美食#觀塘美食

Little Mario’s Pizzeria 上個月仲可以係私人地方聚會嘅時候，就去位於牛頭角嘅Little Mario’s Pizzeria叫左幾個pizza同朋友gathering。唉，究竟幾時先再可以有聚會 Parma Ham 10” $108 呢個pizza幾好食，個pizza dough整得幾脆，pizza配火箭菜好夾，上面再撒左Parmesan Cheese 同Mozzarella，如果有更多芝士就更加開心🤩 Pepperoni 14” $100 呢排餐廳喺Open rice搞左一個外賣自取優惠，淨係$100就買到一個大pizza。不過我地就覺得個Pizza底有啲濕 唔太脆 Mojito 📍 Little Mario’s Pizzeria 海濱道123號HK 九龍 觀塘 海濱道123號綠景NEO地下1號舖 SHOP NO.1, G/FNEO

呢排成日係觀塘區工作，發現呢間pizza真心好高質 食到我上哂癮😹一星期唔食返一次真係唔安樂 今晚放工我又默默地來到買pizza啦 他們家的pizza種類都好多，今晚揀左呢款👇🏻 1/ Margarita Fungi Prosciuttog $108 他們的pizza是薄批來的，餅底質感十分煙韌，邊邊位置烤得十分香脆，平時唔喜歡食邊邊位的我，每次都會吃清光😋 Pizza上鋪面蕃茄醬和芝士，餡料有磨菇及Parma ham，酸酸的蕃茄醬和咸香的Parma ham加埋菇菌嘅香味，令整個pizza的味道更加豐富🤤 9吋size一個人食剛剛好🤗 2/ Jarritos LIME $20 另外加左枝汽水，入口有些微酸的感覺，吃pizza再加這個汽水感覺不會滯，十分清新🤗

今日食咗個二人餐@$288 Indian Masala Thighs (+$10) 少少辣，充滿着印度香料亦都有少少煙燻嘅氣息，雞件都醃得非常入味。雞肉唔算太多汁但係一啲都唔乾。共有三大件，好食又相當抵食。 Margherita 一心嚟就係食呢度嘅pizza。每次都係簡簡單單想食Margarita。蕃茄醬芝士羅勒嘅香味互相緊扣，份量亦都控制得剛剛好。薄薄嘅Pizza咬落topping非常juice，餅底亦都非常可口。佢個麵餅本身亦都充滿筋性。好味。 Meat Lasagna (+$10) 今日這個千層麵有點失色。雖然佢嘅芝士依然香厚軟綿綿。肉嘅份量亦都相當慷慨。但係今日這個千層麵有啲煮過淋，肉醬雖然多但係冇乜肉味。如果佢可以落多啲牛肉碎落去肉醬入面就會更加香濃。雖然不至於唔好味，但只能說不過不失。 第一次喺餐廳見到佢有二人及四人晚餐嘅選擇。埋單$339其實係幾抵食嘅。今日星期日晚上人客亦都係唔多。覺得佢哋嘅經營亦都不容易。希望佢哋捱得住撐落去。用佢哋這裏薄餅嘅質素而言，同區應該算是第一。這裏仍然係我會推薦的。

有冇兼職工做

已在葵興KCC大廈工作一段時間，附近餐廳多數為茶餐廳、麵店及快餐店等，高質西餐選擇不多，近日KCC開了一間以意大利風味的西餐廳「 Little Mario's Pizzeria」。 餐廳設計簡約，座位舒適， 燈光光猛，可看到水吧及爐pizza的廚房，令人感覺很溫暖。 「Pepperoni Pizza 意大利辣肉腸薄餅」，來到這專門做意式薄餅的餐廳，必定要order pizza啦～這個意大利辣肉腸薄餅，餅底厚度剛好，不會太厚食到滿口粉，又不會太薄似餅乾，是很有傳統意大利風味的餅低。pizza鋪滿了芝士，有拉絲感而且芝士味濃郁亦帶微鹹，加埋帶點油膩的辣肉腸，配料雖然簡單，但味道層次分明，水準很不錯。 「Arroy Arroy Chicken Wing 自家醬汁雞翼」，單看賣相已經“讚”，簡單是打卡影靚相的一碟美食。雞翼夠份量，隻隻都是肥美有肉地的，自家醬汁原來是酸酸甜甜的柚子汁，愈食愈開胃，不感油膩。 「Honey Lime蜜糖青檸」Signature Drinks 招牌飲品，味道方面很新爽，青檸是我最喜歡的飲品之一，因可解渴又醒神，加埋香甜的蜜糖，確實很新爽。 「Latte 鮮奶咖啡」，很美麗的一杯海馬拉花的鮮奶咖啡，他們不單pizza出色，就連咖啡拉花師傅也很厲害，一杯香噴噴的Latte ，加一個美美的拉花，真令非常治癒。

煙三文魚凱撒沙律 $88 煙三文魚大大塊好肥美，羅馬生菜新鮮爽口，Dressing份量岩岩好唔會過膩，仲有適量的Parmesan Cheese碎同麵包粒，整體感覺好Fresh。 Parma Ham薄餅 9” $96 Parma Ham、德國芥菜、Mozzarella Cheese、Parmesan Cheese 兩個女仔食9”岩岩好，4件Pizza，每塊上面有2件Parma Ham，質感柔軟，富咸香味但唔會越食越咸，微熱的芝士口感軟熟好惹味；餅底邊煙韌有咬口，唔係烘得好脆身嗰隻，反而食得好舒服。 Mozzarella芝士條 $65 再追加好耐無食過的Mozzarella Sticks~ $65有8條算幾抵食，金黃色的芝士條炸至脆卜卜，微咸香的芝士香氣，口感介乎於軟綿和煙韌之間，旁邊附送特製的番茄醬更顯滋味。 Cappuccino $36 餐廳另一賣點係佢地既咖啡，估唔到Pizza店都會飲到靚靚拉花咖啡！Cappuccino味道香濃，奶泡幼滑恨不錯☺️

有水準,批底夠彈性有水份

呢個價錢食呢個食物絕對抵食！ 質素非常之高！

pizza新鮮出爐， 好好食， 味道喘啱啱好

相當唔錯的Pizza , 熱辣辣嘅Pizza 充滿好香嘅芝士味, 餡料磨菇好彈牙好有口感,意大利風乾火腿同芝士又好夾! 特點係佢凍咗都好好食! 雞翼辣辣哋幾香口幾惹味! 二人餐14吋pizza +雞翼+兩罐汽水 $218 , 抵食之餘仲會飽到一個點!